Requestas administrative es monstrate in duo modos, in un pagina summario e in un pagina detalios. Le pagina summario contine abonamentos pendente e requestas de disabonamento, in ultra a messages suspendite usque tu approvation. Le pagina del detalios contine un plus detaliate vista super cata message, includente le testa complete del message e un extracto del corpore.

In tote paginas, le sequente actiones es disponibile:

Pro messages suspendite, activa le option Preserva si tu vole salvar un copia del message pro le administrator del sito. Isto es utile pro messages abusive que tu vole discartar, ma que tu vole recordar pro un successive inspection.

Abilita le option Re-invia a e insere le adresse del destinatario si tu vole reinviar le message a alicun altere persona non in le lista. Pro editar un message ante su invio al lista, tu debe re-inviar le message a te mesme (o al proprietarios del lista), e discartar le message original. Alora, quando le message se monstra in tu cassa postal, edita lo e reinvia lo al lista, con in le testa un linea Approved: habente como valor le contrasigno del lista. Il es un bon comportamento includer in le message un nota explicative, pro acclarar que tu lo ha modificate.

Si le mittente es un abonato sub moderation, tu pote optionalmente liberar le del moderation. Isto es utile quando tu lista es configurate pro poner le nove membros sub proba, e tu te fide que iste membro pote scriber al lista sin approvation.

Si le mittente non es membro del lista, tu pote adder le adresse de e-posta al filtro mittente. Le filtros del mittente es describite in le pagina del privacy del mittente, e pote valer auto-accept (Accepta), auto-hold (Suspende), auto-reject (Rejecta) o auto-discarta (Discarta). Iste option non essera disponibile si le adresse es jam in uno del filtros del mittente.

Quando tu ha finite, clicca in le button Confirma tote datos al initio o al fin del pagina. Iste button inviara tote le selectiones pro tote le requestas administrative que tu ha decidite.

Retorna al pagina del summario.